El Oficina de Salud del ciudad ya clava bakuna con maga oficiales y empleyados contra influenza o flu cay el govierno local ta dale importancia con el buen estar del maga personajes.
Asegun na anuncio del City Hall, cay prinsipiando del Lunes, maga personajes del Oficina de Salud local ya anda na diferente oficina y departamento para clava bakuna con todo’l maga oficial y empleyado del govierno local.
Asegun cay el bakuna ay sirvi como el defensa contra flu o influenza dentro de dose meses.
El clavada de bakuna contra flu con maga empleyados ta sirvi como un obligacion del Oficina del Salud para atende con el necesidades y buen estar del maga personajes del govierno local. (B. Garcia, photo courtesy of City Hall Public Information Office)