El combinao fuersa del Guardiacostas de Filipinas (PCG) y Buro de Fesca y Recursos Acuaticos (BFAR) ya cuji del Domingo con un varco de fesca envuelto na actividad de ilegal fescada na mar del Payao, Zamboanga Sibugay.
Asegun cay el maga tripulante del varco ta fesca por medio del ilegal manera de fescada nombrao como el “Hulbot-Hulbot”.
Asegun con de Departamento de Agricultura cay ta priba con el practica de hulbot-hulbot cay ta destrosa este con el maga recursos marino.
El BFAR ya dale un notificacion de violacion y ya planta un asunto adminstrativo na comite de adjudicacion contra con el dueño del varco.
Asegun con el enforsada del ley na la mar ta sirvi parte del imposicion del “closed fishing season” para el fescao tamban. (B. Garcia, photo courtesy of Philippine Coast Guard)