29.8 C
Manila
Sunday, April 14, 2024

Zamboanga: Barrio de Santa Catalina tiene nuevo lider

- Advertisement -

El barangay de Santa Catalina, este ciudad, tiene ya nuevo barrio capitana y ele si Rosalina de la Cruz, de kien juramiento de oficina ya administra del Lunes el Alkalde John Dalipe.

Si De la Cruz ya releva con Danilo Alviar, kien ya demiti na puesto de barrio capitan del Enero 5 por rason personal.

Si De la Cruz ya apela el cooperacion del maga vivientes de Santa Catalina para el desarollo del de ila barrio.

Asegun con De la Cruz cay ay continua ele con el maga buen programa del antes barrio capitan.

Myentrastanto, ya asumi tamen del Lunes si Gelona Tubanza como el nuevo Sangguniang Kabataan chairperson del Santa Catalina.

Si Tubanza ya releva con Kimberly Ann Villaflores, kien ya demiti na puesto cay tiene conele ya ofrese trabajo na otro pais.

El Alcalde Dalipe ya apela con el dos nuevo oficiales y con otro myembros del consejo de Santa Catalina para continua trabaja junto para el bien del de ila barrio. (B. Garcia, photo courtesy of City Hall Public Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -