El mga personajes del 42nd Mechanized Infantry Company (42MIC) del 4th Mechanized Infantry Battalion (4MIB) ya esta bajo’l seminar de agricultura organico para aprende tene sustenable suministros de gulay.
Asegun con el 4th Civil Relations Group (4CRG), el seminar ya conduci del Martes na sala de usos multiples del Dahunog, Barangay Kalanganan East, Pantar, Lanao del Norte.
Asegun con el 4CRG, con el session ya facilita si Roy Supat, el jefe del granja de semillas vivero provincial, hunto con cuantos su personajes.
Si Supat ya enfatiza el practicas de agricultura sustenable, apoderando con el mga soldao queda autosuficiente y de emprendedor por medio de educacion y entreno mejora el ferilidad del tierra, control de parasite, y fermentacion de fertilizante organico.
Asegun con el 4CRG, el objetivos del seminar amo para proporciona con el mga soldao el manera de subsistencia, avanzar en recursos sostenibles, y cultiva continuando relaciones con el Departamento de Agricultura y otro organizaciones. (B. Garcia)