Todo mga personajes designao na cuartel del 101st Infantry Brigade (101Bde) negativo el resulta na uso de droga ilegal durante el conducida del random pruebas de drogas trimestral, asegun con el militar del Martes.
Asegun con Brigadier General Alvin Luzon, el comandante del 101Bde, el random pruebas de drogas trimestral ya conduci del Lunes na cuartel del mando na Campo Luis Biel II na Barangay Tabiawan, ciudad del Isabela, Basilan.
Asegun con Luzon, aquellos quien ta esta bajo’l random pruebas de drogas trimestral amo mga personajes designao na cuartel del 101Bde.
“El resulta del examin de este año ya dale mira favorable resulta donde todo’l personajes del 101Bde examinao negativo,” ya habla si Luzon.
Asegun con Luzon, el actividad es en liña del dedicacion del unidad para fortalece y reinforza con el esfuerzos contra droga ilegal dentro del Philippine Army para previni con el mga personajes de particpar na uso de droga y otro actividades relatao na droga ilegal.
El 101Bde ta esta firme na de ila campaña contra droga ilegal para promova y logra un institucion de trabajo libre de droga ilegal, haciendo con el de ila personajes confiable, competente y soldados listo para multiples misiones del Fuerza Armada del Filipinas.
Puera que negativo el resulta del primer trimestral este año de pruebas de drogas ilegal, negativo tamen el resulta del cuatro trimester del 2024. (B. Garcia)