El Departamento de Educacion, o DepEd, na provincia del Zamboanga del Sur ya premia un Plaque de Reconocimiento con el 53rd Infantry Battalion (53IB) por el dedicacion del mando na educacion y suporta na comunidad.
El prestigioso premio ya presenta del Lunes con el 53IB durante el programa de reconocimiento y apreciacion de socios del DepEd 2024, que ya hace na edeficio del One Cecilia na ciudad de Pagadian, Zamboanga del Sur.
Asegun el evento tiene el objetivo para reconoce y aprecia el invaluable contribuciones del varias socios quien ya suporta con el esfuerzos del DepEd para mejora el servicio de educacion na provincia del Zamboanga del Sur.
Asegun con el 53IB, el reconocimiento del batallon ta descata el excepcional socios con el DepEd, particularmente na promoviendo del seguridad y bienestar del mga estudiantes y maestros y maestros.
El batallon significamente ya ayuda na educacion del comunidad na Zamboanga del Sur proporcionado seguridad, ayuda con mga escuelas na desarollo de infraestructura y asegurando un librao ambiente de estudio.
El Plaque de Reconocimiento ya premia con el 53IB como un demonstracion del inquebrantable dedicacion y servicio del batallon en suporta con el mision del DepEd para entrega calidad educacion, promova paz, y contribui desarollo general del comunidad. (B. Garcia)