El maga personajes del Lamitan CPS que ta encabesa si PLTCOL Arlan Delumpines huntu con el del Police Station 10 ya aresta con un pescador quien tiene pendiente orden de aresto na Sitio Abeng-Abeng,Barangay Bulanting,Lamitan City,Basilan Province.
El otoridad ya nombra con el suspechao como si Sulayman Sarmiento Edeylor numero tres wanted persona na station level,cuarenta’y siete anios El edad, kasao,pescador,y residente del Barangay Limpapa.
Asegun con el Pulisiya tiene pendiente orden de aresto si Sarmiento por el violacion del Frustrated Murder.
Con Sarmiento ya recomenda piyansa valor del dosiento mil de pesos para su temporaryo libertad.
Si Sarmiento detenido ahora na Lamitan CPS para na propio desposisyon.
(April Boy Regino)