El Joint Regional Task Force to End Local Communist Armed Conflict (JRTF-ELCAC), durante el aca-cuatro trimestre junta del Jueves, ya declara con el Zamboanga Peninsula como libre de insurgencia, marcando un extraordinario acomplicimiento na campaña del gobierno contra insurgencia.
El 1st Infantry Division (1ID) ya habla del Sabado, el acomplicimiento ta descata el exitoso desmantelada del Western Mindanao Regional Party Committee (WMRPC) del Communist Party of the Philippines-New People’s Army (CPP-NPA).
Asegun con el 1ID, siete frentes guerilleros del grupo de terorista comunista, o CTG, y tres regional unidades del CTG el ya eradica, que ya resulta na cero barangays afectao de CTG y cero activo miembros del CTG na entero Zamboanga Peninsula.
“Este ta representa uno del victorias decisivas na mas de sinco decadas de campaña contra insurgencia na Filipinas,” el 1ID ya habla na un declaracion.
Si Major General Gabriel Viray III, el comandante del 1ID, ya dale credito con el acomplicimiento na dedicacion colectiba del fuerza de seguridad, unidades del gobierno local, y comunidades. (B. Garcia)