El Departamento de Bienestar Social y Desarollo, o DSWD, por medio del Sustainable Livelihood Program (SLP), ya distribui P2.8 million ayuda de busca lavida con 241 residentes na Zamboanga del Sur.
Asegun con el oficina regional del DSWD, el dalida del ayuda de busca lavida ya distrbui con mga recipientes del Miercoles na C3 Function Hall, ciudad de Pagadian, provincia de Zamboanga del Sur.
Asegun con el DSWD, 133 del 241 recipientes amo mga residentes del ciudad de Pagadian. Cada uno de ila ya recivi P15,000 o total de P1,995,000 ayuda de busca lavida.
El mga recipientes desde’l ciudad de Pagadian hay usa con el dinero que ya recivi sila como omento capital na de ila produccion de mais.
El restante 54 recipientes, quien ya receivi P15,000 cada uno o total de P810,000 amo mga residentes del municipios de Pitogo, Vincenzo Sagun, y Kumalarang, provincia de Zamboanga del Sur.
El objetivo del SLP del DSWD amo pra mejora con el estado de socio-economico del mga pobre, vulnerable, y marginado comunidades y familiares. (B. Garcia)