Tres miembros del Dawlah Islamiya-Maute Group (DI-MG) el ya rendi amediante el ofensiva del gobierno contra canila na provincia del Lanao del Sur, asegun con el militar del Sabado.
Si Tiniente Coronel Abel Potutan, el comandante del 64th Infantry Battalion (64IB), nohay identifica con el mga rendidores DI-MG, quien activo na grupo desde 2017, el año ya ataka el grupo del terorista na ciudad de Marawi.
Si Potutan ya habla, el tres miembros del DI-MG ya rendi con su mga personajes del Jueves na Barangay Matalin, Malabang, Lanao del Sur.
El rendidores DI-MG ya entrega tres armas de fuego de alta calibre que ta inclui un modificao rifle M-14 y dos rifles Garand con clip y bala.
Si Potutan ya habla, el decision del mga rendidores para rendi ta representa un crucial adelantada na en curso campaña del gobierno contra con el DI-MG na Lanao del Sur.
El rendida del tres ta refleja el exitoso esfuerzos del 64IB, demostrando el eficacia contra amenazos na lugar del Lanao. (B. Garcia)Â