32.7 C
Manila
Sunday, April 21, 2024

Zamboanga: PDEA, pulis ya dismantela cuarto de droga

- Advertisement -

Ya conduci un campaña contra droga ilegal el Philippine Drug Enforcement Agency (PDEA) y policia que ya resulta na dismantelada de un cuarto de droga na municipio del Sindangan na provincia del Zamboanga del Norte, asegun con el PDEA del Lunes.

Asegun con Maharani Gadaoni-Tosoc, el director regional del PDEA, ya aresta con tres personas y ya confisca 10 gramos de suspechao shabu cuando ya demantela con el cuarto de droga del Viernes na Barangay Motibot, municipio de Sindangan.

Si Gadaoni-Tosoc ya nombra con el arestao persona quien ta mantene con el cuarto de droga ilegal como si Alonzo Johnray, un residente de Barangay Motibot.

Asegun con Gadaino-Tosoc, con el otro dos arestao personas ya conose como canda Ramos Jonathan y si Ilagan Kim, ambos mga visita del cuarto de droga ilegal.

Asegun con Gadaoni-Tosoc, ya puede confisca na cuarto de droga 10 gramos de suspechao shabu enpaquetao na deci-seis transparente sobrecitos que tiene el valor de P68,000.

Si Gadaoni-Tosoc ya habla, con el mga arestao suspechao ya detene na carcel del PDEA na Zamboanga del Norte en preparacion para el plantada del asunto contra canila por violacion del Comprehensive Dangerous Drugs Act of 2002. (B. Garcia, photo courtesy of PDEA-9)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -