32.7 C
Manila
Sunday, April 21, 2024

Zamboanga: Consejal muerto, barrio capitan irido na incidente de tiroteo

- Advertisement -

Muerto el un consejal del sercano ciudad mietras irido el un oficial de barangay y otro uno el intacto na un incidente de toriteo aqui na ciudad de Zamboanga, asegun con el policia local del Lunes.

Asegun con Coronel Alexander Lorenzo, el director del Zamboanga City Police Office, ya habla cay ya conoce con el fatalidad como si Franklyn Tan, 42, el barrio capitan del Barangay Seaside y presidente del Association of Barangay Council (ABC) del ciudad de Isabela, Basilan.

Como presidente del ABC, si Tan ta servie tamen como un consejal del ciudad que ta representa con el sector de barangay na ciudad de Isabela.

Asegun con Lorenzo, con Tan ya declara muerto el doctor cuando ya llega na hospital.

Si Lorenzo ya nombra con el irido victima y admitido na hospital como si Jaider Jundam, 43 años el edad y barrio capitan del Barangay Kaumpurnah Zone 1, ciudad de Isabela.

Intacto si Daryl Jalani, el barrio capitan del Barangay Kaumpurnah Zone 3, ciudad de Isabela.

Asegun con Lorenzo, con el mga victima ya tira mga alas 9:03 del Domingo denoche enfrente del un hotel na Avenida Agan, Barangay Camino Nuevo, en este ciudad.

Asegun con Lorenzo, base na investigacion, ya sale apuera del hotel el mga victima para saca mga cosas na de ila vehiculo na parada adenlante del hotel cuando ya tira canila el un desconosido armao persona.

Si Lorenzo ya habla, cay base na investigacion, el suspechao ya escapa abordo na un motorciclo que ya corre para na direccion del Sta. Cruz.

El policia ya recubri sinco capsula de calibre .45 pistola na lugar del crimen.

El mga personajes del Zamboanga City Police Station 11 ta colecta mga informacion sobre el motivo mientras ta continua el investigacion del incidente. (B. Garcia, photo courtesy of Zamboanga City Police Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -