El mga autoridad ya aresta sinco suspechao y ya confisca P102,000 valor de droga ilegal cuando ya desmantela sila un cuarto de droga na un operacion de aplicacion de ley na Bangsamoro Autonomous Region in Muslim Mindanao (BARMM), asegun con un oficial del Lunes.
Si Gil Cesario Castro, el director of the Philippine Drug Enforcement Agency (PDEA) na BARMM, ya identifica con el mga arestao suspechao como el siguientes: alias Datu or Pato, 42 años el edad y el mantenedor del cuarto de droga; y su cuatro patrocinadores nombrao como si alias Jay 39; alias Inday, 34; alias Burloloy, 34; y, alias Datu Raf, 39.
Si Castro ya habla, con el mga suspechao ya aresta na un operacion de compra busto que ya resulta na desmantelada del cuarto de droga del Sabado na Purok Ulandangan 2, Barangay Poblacion mother, ciudad de Cotabato, el capital of BARMM.
Asegun con Castro, ya confisca na desmantelao cuarto de droga 15 gramos de suspechao shabu enpaquetao na 24 termosellada transparente plastico sobrecitos que tiene el valor de P102,000, dinero de compra busto, varias parafernales de droga, y dos celpon.
Asegun con Castro, ya detene con el mga arestao suspechao mientras hay planta canila caso por violacion del ley Integral de Drogas Peligrosas de 2002.
Ya apela si Castro con el publico para esta vigilante y reporta actividades relatao de
droga ilegal con mga autoridad para fortalece segurao comunidades. (B. Garcia)