El mga autoridad ya confisca P2.5 millones valor de smuggled cigarillo na un aplicacion de ley na provincia del Sulu, asegun con el policia del Lunes.
El Police Regional Office-Bangsamoro Autonomous Region (PRO-BAR) ya habla, con el mga smuggled cigarillo ya confisca del Viernes na Barangay Kajatian, Indanan, Sulu.
Asegun con el PRO-BAR, nohay con quien ya aresta por causa ya abandona con el mga cigarillo na un vacante lote el mga personas quien era debe distribui con el mga productos de tabaco.
Asegun con el policia, con el mga cigarillo ya lleva na cuartel del policia del municipio del Indanan para el propio documentacion and inventario.
Asegun con el policia, total de 50 cajon de diferentes clase de cigarillo el ya confisca que tiene el valor del P2.5 millones.
Con el mga confiscao smuggled cigarillo ya pone bajo’l custodia del Criminal Investigation and Detection Group, quien ya encabesa con el aplicacion de ley. (B. Garcia)