El mga autoridad ya confisca P2.3 millones valor de smuggled crudo na operacion de aplicacion de ley na ciudad de Zamboanga, asegun con un oficial del Lunes.
El Abogada Lawyer Zsae Carrie De Guzman, el district collector of the Bureau of Customs (BOC)-Port of Zamboanga, ya habla el enviao del P2.3 millones smuggled crudo ya confisca mga alas 12:04 del Domingo aga serca na un privado varadero na Barangay Cawit, ciudad de Zamboanga.
Asegun con De Guzman, el mga personajes del Water Patrol Division (WPD) del su oficina ta conduci patrulla maritima cuando ya intercepta sila con un lancha hacido de palo nombrao como el ML Dino Saja cargao de 40,000 litros de crudo que tiene el valor de P2.3 millones.
Asegun con De Guzman, con el mga crudo, incluido el lancha, ya confisca despues que si Moamar Hadjirul, el maestro patron del ML Dino Saja, ya falla presenta algun documentos del cargamento. El lancha tiene sies tripulantes.
El enviao del mga crudo sin documento estaba desde’l provincia de Tawi-Tawi.
Del Lunes, si De Guzman ya dale un orden de incuatacion y detencion y ya pone con el lancha y crudo bajo’l custodia del estacion del WPD na Barangay Recodo, ciudad de Zamboanga. (B. Garcia)