El oficina regional del Philippine Drug Enforcement Agency (PDEA) ya destrosa P103.87 millones valor de droga ilegal na ciudad de Zamboanga.
El destrosada del droga ilegal ya hace del Viernes tarde na Permex Producer and Exporter Corporation na Barangay Ayala, ciudad de Zamboanga.
Asegun con el PDEA, con el mga droga ilegal ya destrosa por medio del proceso de decomposicion termica, o termolisis, que ta quebra con el compuesto quimico usando calor extremo.
El PDEA ya habla, el mga droga ilegal que ya destrosa ya inclui P98.92 millones valor de shabu, P2.75 milliones marijuana, y P2.19 millones de pasao medicina.
Asegun con el PDEA, con el mga droga ilegal ya confisca na diferentes parte del region, y el destrosada ya hace base na orden del corte. (B. Garcia)