El Philippine Coast Guard (PCG) ya activa con el Coast Guard Air Station Zamboanga (CGASZAM) para atende con el omento necesidades del comunidad maritima en este parte del pais.
El PCG ya designa con Lieutenant Cyril Doldolea como el oficial-en-cargao del CGASZAM que tiene el jurisdiccion con el Sur y Oeste Mindanao, incluido el Zamboanga Peninsula y mga provincias de Basilan, Sulu y Tawi-Tawi.
El CGASZAM ay ayuda na llegada y salida del mga aeroplano aqui na ciudad de Zamboanga, identificao como estrategico locacion para el coordinacion interagencial, especialmente na respondida na mga incidentes maritimos na mga lugar bajo su jurisdiccion.
Del Miercoles, si Doldolea y otro mga personajes del CGASZAM ya visita de cortesia con el Alcalde John Dalipe na City Hall donde ya informa sila con el alcalde sobre el funccion del CGASZAM.
Si Dalipe ya promete que ay suporta le con el nuevo activao CGASZAM igual si quemodo ta suporta el govierno local con el sector de seguridad para el proteccion del ciudad y mga vivientes. (B. Garcia, photo courtesy of City Hall PIO)