Ya inagura con el nuevo construido “municipal hall” del Panglima Estino na provincia del Sulu.
Con el inaguracion del municipal hall que ya encabesa si Señor Abdusakur Tan, el gobernador del Sulu, ya conduci durante el celebracion del 43 años aniversario del municipio del Panglima Estino del Martes.
Si Engineer Almakram Arbison, el representante del vice alcalde del municipio de Luuk, ya man hunto con Tan durante el inguracion el nuevo municipal hall.
Na su mensaje durante al actividad, si Major General Ignatius Patrimonio, el comandante del 11th Infantry Division, ya ase llamada con mga oficiales y vivientes del Panglima Estino para renova de ila compromiso de transparencia, inclusividad, y sustenable desarollo na provincia de Sulu.
Asegun con Patrimonio, ya dale mira el mga vivientes el de ila unidad y amor na de ila projimo amo ya servi llave del na victoria del Panglima Estino.
Ya rindi tamen gratitud si Patrimonio con el mga vivientes del Panglima Estino por el de ila suporta con el militar.
El tema del celebracion de 43 aniversario del Panglima Estino es: Breaking Through @43: A Progressive and Resilient Panglima Estino, Celebrating Heritage, Attaining Standards, and Taking the Lead”.
(B. Garcia, photo courtesy of 11th Infantry Division)
