Hinimok ni Mayor Khymer Olaso ang mga Zamboangueño, partikular ang mga nasa serbisyo publiko na itaguyod ang mga mithiin ni Dr. Jose Rizal bilang gabay sa paglilingkod sa bayan sa paggunita ng ika-165 anibersaryo ng kapanganakan ng Pambansang Bayani, na ginanap sa Plaza Rizal noong Biyernes, Hunyo 19. Binigyang-diin ni Mayor Olaso na ang pamana ni Rizal ay nananatiling may kaugnayan sa pagtugon sa mga hamon sa kasalukuyan, na nagbibigay-diin sa katapangan, talino, at dedikasyon ng Bayani sa bansa bilang mga pagpapahalagang dapat patuloy na magbigay ng inspirasyon sa mga opisyal at mamamayan ng gobyerno.
“Ang katapatan ni Rizal ay hindi nagmula sa sandata o hukbo, kundi sa kanyang panulat, at sa kanyang hindi natitinag na pagmamahal sa bayan,” ani Mayor Olaso sa programa ng paggunita. Hinimok din ng alkalde ang mga Zamboangueño na parangalan ang mga sakripisyo ni Rizal sa pamamagitan ng pagiging aktibong tagapag-ambag sa pag-unlad ng lipunan. “Huwag nating sayangin ang ginawa ng ating mga pambansang Bayani para sa atin,” ayon kay Mayor Olaso.
Naka-angkla sa temang ” Rizal: sa Pagbangon ng mga mamayan, Aral at Diwa mo Tunay na Gabay,” tampok sa pagdiriwang ang mga seremonya ng wreath-laying na pinangugunahan ni Mayor Olaso sa Rizal Monument, na dinaluhan ng mga kinatawan mula sa lokal na pamahalaan, ahensya ng pambansang pamahalaan, pribadong organisayon, at sektor ng militar. Binigyang-diin ng Area Commander ng Western Mindanao Knights of Rizal na si Ginoong. Domingo Falcasantos ang mensahe ni Rizal sa mga kabataan sa pmamagitan ng pagbigkas ng mga bahagi ng “A La Juvented Filipinas” (To the Filipino Youth), na nagbigay-diin sa papel ng mga kabataang pilipino sa paghubog ng kinabukasan ng bansa. (Algie Rojas)
Source: City Government of Zamboanga