El mga autoridad ya aresta tres personas y ya confisaca P1.9 millones valor de smuggled cigarillo na provincia del Sultan Kudarat, asegun con el policia del Miercoles.
El policia ya identifica con el tres arestao personas como canda alias Sailan, 30 años el edad; alias Sagel, 52; y, si alias Norodin, 38, todo mga residentes de Lebak, Sultan Kudarat.
Asegun con el policia, con el mga suspechao ya aresta mga alas 10:50 del Martes denoche na Purok 4, Barangay Biwang, Bagumbayan Sultan Kudarat.
Asegun con el policia, el mga pulis ta conduci checkpoint cuando ya hace sila para con un vehiculo para el inspeccion.
Durante el inspeccion, asegun con el policia, ya descubri el mga pulis ta contene mga cajon de cigarillo el vehiculo.
Asegun con el policia, con el tres personas enseguidas ya aresta despues que ya falla sila presenta documentos del de ila cargamento.
Asegun con el policia, ya confisca na vehiculo 50 cajon de smuggled cigarillo que tiene el valor de P1,964,500.
El policia ya habla, con el mga confiscao smuggled cigarillo ya entrega na Buro de Aduana na pantalan del ciudad de General Santos para el propio disposicion. (B. Garcia)