El Oficina de Salud del Ciudad o City Health office (CHO) ta adverti con el publico contra Leptospirosis, un enfermedad que recio ocuri durante el tiempo de aguasero y avenida.
El CHO ya conseja del Domningo con aquellos quien exponido na agua de avenida para visita na centro de salud y aprovecha prophylaxis para el prevencion del enfermedad de Leptospirosis.
El bacteria de Leptospira spirochetes amo el ta causa enfermedad de Leptospirosis.
El enfermedad ta man calayat por medio de contaminacion del agua de avenida na miao de raton.
El manera de transmison del Leptospirosis ta inclui vadeada na contaminao agua de avenida y ingeriendo contaminao comida o agua.
Ya conseja tamen el CHO con aquellos quien ya tene calintura despues que ya vadea na agua de avenida para consulta na doctor na mas temprano tiempo.
Mucho parte del ciudad de Zamboanga el ta experiencia avenida por causa del mal tiempo que ya causa el habagat. (B. Garcia)