Un individual listao como numero uno persona mas buscada quien ta enfrenta el asunto de secuestrada (kidnapping) el ya aresta mga autoridad na provincia del Lanao del Sur, asegun con el policia del Domingo.
Si Police Colonel Roberto Daculan, el director del policia na Lanao del Sur, ya nombra lang con el arestao persona mas buscada como si Alias Jab, un residente del Barangay Gacap, Piagapo.
Asegun con Daculan, con Jab ya aresta pormedio de servr’r conele el un orden de aresto del Jueves na Barangay Pawak, Saguiaran, Lanao del Sur.
Asegun con Daculan, si Jab tiene pendiente orden de aresto por el asunto criminal de secuestrada sin piansa que ya dale el un corte na Lanao del Sur del Abril 26, 2024.
Si Daculan ya habla, si Jab listao como el numero uno persona mas buscada na municipio del Marantao, Lanao del Sur.
Con Jab ya pone bajo’l temporario custodia del policia na municipio del Marantao para el propio disposicion.
Asegun con Daculan, con Jab ya puede aresta despues que el mga autoridad exitosamente ya puede encontra su locacion siguiendo el dos meses enbuscada conele. (B. Garcia)