El mga personajes del oficina de salud del ciudad ya clava libre bacuna contra flu y pneumonia con mga empleyados, incluido mga clientes, na City Hall del Jueves.
Asegun con el oficina de informacion publico del City Hall, el grupo del mga personajes del oficina de salud del ciudad, ya visita con el diferentes oficina de ciudad y otro agencias para clava bacuna con mga empleyado.
Asegun con el oficina de informacion publico, el clavada de bacuna es parte del iniciativa del oficina de salud para proteje con mga residentes desde serioso enfermedad y tambien dale segurao y saludable condiciones de trabajo entre todo mga empleyados—hombres y mujeres por igual.
Asegun mga residentes tiene el edad de 18 y mas puede tamen visita con el de ila respetivo centros de salud para aprovecha con el libre imunizacion contra flu y pneumonia.
El grupo del oficina de salud del ciudad hay esta hasta na Viernes na City Hall para clava libre bacuna con mga gente. (B. Garcia)