El oficiales del Department of Social Welfare and Development Office que ta encabeza el Field Office 9 Director Atty. Sitti Raifa Pamaloy-Hassan y otros pa maga oficiales como el Assistant Regional Director para na operasyon si Ma. Socorro Macaso, Hefe del Dibisyon de Finansyal si Ma. Corazon Sumicad, Officer del Nutrisyon Greta Martinez, 4P’s SWOIII Norico Quinain, SWOII-Convergence John Vincent Sagayno, Monitoring and Evaluation Officer del 4P’s Franz Elum.
El maga mencionao oficiales del deperente maga oficina ya visita con el oficina del Alcalde para informa si cosa el maga programa del departamento que ay beneficia el maga vivientes del ciudad.
El Alcalde Dalipe y el Director del DSWD Field Office 9 ya promete que ay trabaha huntu muy bien para asigura el implementasyon del maga programa del DSWD y otros pa maga actividades aqui na ciudad de Zamboanga. (Cristine Falcasantos, photo courtesy of John Dalipe Facebook page)