El 64th Infantry Battalion (64IB) ya facilita el firmada de acuerdo y reconciliacion entre man contrario dos familiares na provincia del Lanao del Sur, asegun con el militar del Martes.
Asegun con el 4th Civil Relations Group (4CRG), el facilitacion del firmada de acuerdo ya termina el dos decada peleya entre el familiares de Balindong y Ambang na municipio de Picong, Lanao del Sur.
 El firmada de acuerdo ya conduci del Sabado na quartel del 64IB na Barangay Matalin, Malabang, Lanao del Sur.
 Presente durante el actividad si Colonel Billy Dela Rosa el deputy commander del 103rd Infantry Brigade.
 Asegun con el 4CRG, el playto entre el familiares de Balindong y Ambang ya puede ya aregla previamente, sin embargo, ya continua otravez por causa del mga rumor que ta circula sobre el mga daan agravios.
 Asegun con el 4CRG, formalmente ya termina con del decada de conflicto ofertando un nuevo principio de paz y entendimiento entre el mga envuelto familiaries despues que el 64IB ya intravini hunto con el gobierno municipal de Picong y Malabang, Ministry of Public Order and Safety y lideres religioso.
 Durante el areglo, ambos familiares ya jura na Holy Qur’an, prometiendo que defende con el acuerdo de paz y trabaja para el futuro armonioso y como gesto de su sinceridad para poner fin con el de ila conflicto. (B. Garcia)Â