Un oficial del Comision de Elecciones, o Comelec, y su esposo el ya muri na un incidente de emboscada na provincia del Maguindanao del Norte, asegun con el policia del Miercoles.
Si Brigadier General Romeo Macapaz, el director del Police Regional Office-Bangsamoro Autonomous Region (PRO-BAR), ya habla el incidente ya ocuri mga alas 8:30 del Miercoles aga na Barangay Makir, Datu Odin Sinuat, Maguindanao del Norte.
Con el mga victimas ya conoce como canda Bai Maceda Lidasan Abo, el oficial de eleccion del Datu Odin Sinsuat, y su esposo, si Jojo Abo.
Base na investigacion, el man maridable ta viaja abordo na ila vehiculo cuando ya ripica de tiro canila el mga desconocidos armas personas.
Si Jojo ya muri na lugar del crimen mientras su esposa ya despidi mga alas 10 del aga mientras bajo el curada medical na un hospital na ciudad de Cotabato.
Asegun con Macapaz, ta continua de ila investigacion para determina el motivo y identificacion del mga suspechao del incidente. (B. Garcia)