Un nars el ya muri na un incidente de tiroteo na costa este del ciudad de Zamboanga, asegun con el policia local del Miercoles.
El policia local ya identifica con el fatalidad como si Lance Jashfer Aidel, 25 años el edad y un residente del Barangay Calarian, ciudad de Zamboanga.
Asegun con el policia, el incidente ya ocuri mga alas 11:30 del Martes denoche na Barangay Panubigan, 34 kilometros este del centro del pueblo del ciudad de Zamboanga.
Asegun con el policia, con Aidel ya tira el uno del dos personas muntao na un motorciclo sin provocacion.
Despues del incidente, el mga suspechao ya enderesa para na interior parte del Barangay Panubigan.
Asegun con el policia, con Aidel ya lleva na hospital pero ya despidi le mientras bajo’l curada medical.
El policia local ta continua el investigacion para determina el motivo y el identificacion del mga suspechao na incidente. (B. Garcia)