Ochenta’y dos iskolar del Special Training para el Programa de Empleyo del Technical Education and Skills Development Authority (TESDA) ya recivi del martes diila mga arimienta de carpenteriya, y para el produccion de pan y postre.
El maga arimienta ya destribuhi con el mga siguientes: veinte tres estudiante ya gradua na curso de carpenteriya na Pagadian; veinte dos para con akellos ya gradua como pintor; y trenta’y siyete para con akellos ya completa el entreno na produccion de pan y postre na our Lady of Triump alla na Pagadian.
El maga arimienta ay usa el maga beneficiaryo para principia sila actividades de busca lavida o livelihood. (Erica B. Javier)