Maga estusyante de Bihing Tahik Primary School na Rio Hondo completo ya el bakuna despues que ya recivi sila el Segundo bakuna del Marte que ya administra el Oficina del Salud de Ciudad.
Como bonus para con el maga estudyante y akelyos bata hinde mas ta entra eskwela, el grupo de dentista del oficina del salud que ta encabesa si Doctor Rowel Lubian, hunto con Doctora Hazel Sinsuan, ya dale flouride treatment con maga bata.
El flouride treatment ta kontene alto consentrasyon de flouride que ya pone maga dentista na diente del maga bata para mejora el salud y no buluk el diente.
El oficina de salud ta continua el campanya del clava bakuna con el maga qualificao residentes, incluhido akelyos quien alang-alang manda clava bakuna.
El objecto del oficina del ciudad amo para obtene siento porciento estado de bakuna contra el Covid-19. (Cristine Falcasantos, photo courtesy of City Government of Zamboanga Facebook page)