El Office of the City Agriculturist (OCA), pormedio del Research Division, ya conduci un Freshwater Tilapia Culture Orientation y ya reparti semilla de tilapia para conel maga beneficiarios del Project LAWA and BINHI o nombrao como Local Adaptation to Water Access (LAWA) and Breaking Insufficiency through Nutritious Harvest for the Impoverished (BINHI) na sitio Masaba, Barangay Qunipiut.
Conel orientacion, ya encavesa el OCA Research Division bajo na liderato del Division Chief Nurhusin Sapaih, Junto conel Assistant Division Chief Jonathan Caguiat y maga personajes, mientras el Technical and Logistical support ya proporciona si Agricultural Field Officer Richard Manlincon junto co su grupo del Agricultural Field Office -V Curuan District.
Cubrido el orientacion, sobre el esencial sabidurias na tilapia farming, inclujido propio pond preparation, correct stocking of fingerlings, water quality management, fish health management, y proper harvesting techniques.
Seguinte el entreno, ya distribuji tambien el buen qualidad semilla de tilapia conel maga beneficiarios del Proyecto del Departmento de Bienestar y Desarollo Social ( DSWD) el project LAWA AND BINHI, in coordinacion conel Oficina del Agricultor del ciudad.
Ya recibi conel maga semilla de tilapia el maga miembros del Inner Masaba Quiniput Farmers Association, que ta encavesa el presidente del asociacion Dionisio Napalcruz y ya expresa diila contodo corazon gatitud por el continuando suporta del govierno.
Asegun conel OCA, el exitoso actividad ta reflecta conel encurso compromiso na socio conel agencias govierno, para promove el sostenible aquaculture, aumento na buscada lavida del agricultores, y el mejoramiento del seguridad de comida por medio na asistencia tecnico y maga programa de sustento para alivia el vida del maga agricultores na cuidad de Zamboanga. (Keith Luna)