Un siembrador listao como el numero tres most wanted persona na municipio de Diplahan, Zamboanga Sibugay voluntaryamente ya rindi con maga authoridad.
Si Coronel Albert Larubis, Zamboanga Sibugay police director, ya nombra con el wanted persona ya rindi voluntaryamente como si Orlando Culajara, sincuenta’y uno años el edad y residente de Barangay Natan, Diplahan.
Asegun con Larubis cay si Culajara tiene pendiente orden de aresto por el crimen de matansa sin piansa desde’l tribunal del Imelda, Zamboanga Sibugay del Junio tres año dos mil veinte.
Si Culajara ya rindi na presencia del Alkalde Eric Palma del Diplahan y Bario Capitan Candido Sajulga del Barangay Natan.
Si Culajara bajo ahora na custodiya del Diplagan Municipal Police Station. (Bong Garcia, Jr.)