Zamboanga: Numero 6 persona mas buscada del Sibugay ya aresta

0
2

El mga autoridad ya aresta con el uno del mga personas mas buscada na provincia del Zamboanga Sibugay durante un operacion de aplicacion de ley en aquel provincia, asegun con el policia del Domingo.

Si Tiniente Coronel Helen Galvez, el portavoz del mando regional del policia, ya nombra con el arestao individual como si Jimmy Mones Oliverio, el numero seis persona mas buscada na provincia del Zamboanga Sibugay.

Asegun con Galvez, con Oliverio ya aresta na un operacion de aplicacion de ley por medio de servi’r orden de aresto mga alas 12:05 del Jueves denoche na municipio del R.T. Lim provincia del Zamboanga Sibugay.

Asegun con Galvez, si Oliverio tiene pendiente orden de aresto por el crimen de tres cuentas abuso carnal sin recomendao piansa que ya dale el un corte na Ipil, Zamboanga Sibugay del Mayo 17, 2024.

Con Oliverio ya pone bajo’l custodia del Criminal Investigation and Detection Group na provincia del Zamboanga Sibugay para el propio disposicion. (B. Garcia)

Leave a Reply