Personal nga kasuko ang nakitang motibo sa mga kapulisan sa pagpusil patay sa giilang usa sa mga leader ni Mayor Sammy Co ug kasamtangang empleyado sa City Tourism kagahapong adlawa sa may alas 5:00 sa hapon sa Prk. Lacturan, Brgy. San Pedro Pagadian City, Zamboanga del Sur.
Kundiin, giila ang Biktimang si Caloy Tanta Andal, 44 anyos ug lumulupyo sa nasangpit nga dapit.
Gihulagway sa mga kapulisan ang suspect nga nagsuot ug Blue nga T-Shirt ug blue nga pantalon.
Nailhan na sa mga awtoridad ang suspek apan wala pa kini gibutyag aron dili matandog ang nagpadayong imbestigasyon.
Subay sa saysay sa mga nakasaksi, samtang naglakaw matud pa ang biktima padulong pauli sa ilang panimalay gikan sa iyang trabaho sa City Government, gisugat sigon pa kini sa suspetsado ug gipusil sa ulo ug ubang bahin sa iyang lawas nga niresulta sa iyang hinanaling kamatayon. Human sa panghitabo, daling nisibat ang suspect sa Brgy White Beach, sakay sa usa ka pump boat.
Gilusad na karun sa PNP ang man hunt operation aron masikop ang responsable sa naasoy nga krimen. (Ernest Villariza)
(Source: Pagadian News Update)