Nuevo ya el administrador del ciudad de Zamboanga y secretaryo del alcalde.
El nuevo administrador del ciudad amo el Abogao Wendel Sotto, de quien juramiento de oficina ya administra el Alcalde John Dalipe del Biyernes.
Si Sotto ya releva con el retirao Heneral Mario Yanga, quien ya dimiti na puesto efectivamente del Biyernes, Agosto 31.
Si Sotto es un veterano abogao y parte ele del companiya de abogacia del Sotto, Senosa y Sotto.
Si Sotto uno del mga espirantes para congresista na primer distrito del Mayo 2022 nacional y local eleccion.
Na mismo tiempo, ya administra tamen si Dalipe con el juramiento de oficina de William Mariga como el nuevo secretaryo del alcalde.
Si Mariga ya releva con el Abogada Rochelle Magnolia Tamin, con quien ya designa para na puesto de consultoria na oficina del Congresista Jose Manuel Dalipe del segundo distrito.
Si Mariga amo el antes oficial administrativo 5 na oficina del secretaryo del alcalde.
Ya para como testigo el mga familyres de Sotto y Mariga y cuantos mga oficiales del govierno local na de ila juramiento de oficina que ya ase na oficina del alcalde. (B. Garcia, photo courtesy of John Dalipe Facebook page)