El “Special Forces Regiment Airborne (SFRA)” ay continua suporta con el campanya de paz y seguridad del 11th Infantry Division (ID) del Philippine Army na provincia de Sulu.
Ese el aseguramiento ya dale si Brigadier General Ferdinand Napuli, comandante del SFRA, cuando ya visita le na quartel del 11ID na Campo Heneral Teodulfo Baustista na Barangay Busbus, Jolo, Sulu del Huwebes.
Ya man hunta si Napuli y Major General Ignatius Patrimonio, comandante del 11ID, donde ya descuti sila asuntos de paz y seguridad.
El SFRA es uno del mga mando que ta forma parte del mando de especial operacion del Fuersa Armada del Pilipinas responsable na plañada, conducida y suporta ng mga especial ofensiva.
Si Patrimonio ya expresa su gratitud con Napuli por el suporta que ta asegura pirmi preparao el mga personajes y equipajes del SFRA.
Con el 11ID ya activa del Deciembre 17, 2018 para pelya contra con el grupo del Abu Sayyaf na provincial de Sulu. (B. Garcia, photo courtesy of 11ID)