Ya anuncia el govierno local cay noventa’y sinco por ciento ya del mga residentes el completa ya el bakuna.
Este ya vene despues cay tiene ya el total de seis sientos ochenta’y tres mil quinientos cuarenta’y ocho del mga residentes ya completa el de ila bakuna de primer y segundo doses.
Base na recomendacion de Departamento de Salud cay debe clava bakuna con siete sientos deci-seis mil nueve sientos sesenta residentes del ciudad para tene el bastante proteccion contra con el Covid-19.
Myentrastanto, el govierno local ya anuncia cay tiene ya tamen el total de siento sincuenta’s seis mil veinter tress residentes el ya recivi el primer dose de vaccine booster y tres mil quinientos trese ya recivi second booster.
El govierno local por medio del oficina del salud del ciudad ta continua cl campanya de clavada de bakuna para el proteccion del mga vivientes contra Covid-19 (Cristine Falcasantos) (Photo Courtesy City Government of Zamboanga FB Page)