El gobierno del ciudad de Zamboanga ta continua el distribucion de ayuda financial con el mga octogenarians y nonagenarians na ciudad de conformidad con el proviciones del Ordinansa 539.
El octogenarians es mga individuales con el edad desde 80 hasta 89 mientras el nonagenarians aquellos tiene el edad de 90 hasta 99.
Asegun con el Oficina de Bienestar y Desarollo del Ciudad, o CSWDO, 36 mga personas mayores bajo el oficinas de campo tres y cuatro del CSWDO el ya recivi total de P380,000 ayuda financial del Miercoles.
Asegun con el CSWDO, sinco del mga personas mayores amo mga nonagenarians y 31 mga octogenarians.
El CSWDO ya habla, cada uno del sinco nonagenarians ya recivi P20,000 y cada uno del octogenarians ya recivi P10,000.
Asegun con el CSWDO, el simultaneo distribucion del ayuda financial ya hace na tres lugar—Oficina de Asuntos de Personas Mayores na Barangay Sta. Barbara, y na cancha cubierta del Barangay de Guiwan y na centro del personas mayores na Barangay Sta. Maria.
El CSWDO ya habla, ya conduci tamen sila distribucion casa-en-casa para con aquellos beneficiarios con discapacidad fisica. (B. Garcia)