Kagahapong adlawa, nibisita ang mga kawani sa General Santos City Chamber of Commerce and Industry, Inc. (GSCCCI) ngadto kang Mayor Lorelie Geronimo Pacquiao aron ipaambit sa mayor ang dungog nga ilang nadawat isip Most Outstanding Chamber in Mindanao, City Level, Large Chamber Category para sa tuig 2024 gikan sa Philippine Chamber of Commerce and Industry (PCCI), nga gihatag sa ang gipahigayon nga mao ang ika-50 nga Philippine Business Conference and Expo (PBC&E).
Si Mayor Pacquiao nihatag ug sinsero nga pahalipay sa GSCCCI sa ilang kalampusan ug ang mayor nagpasalamat kanila sa padayon nilang pagsuporta sa mga proyekto nga makatabang sa mga negosyante ug lungsuranon sa dakbayan.
Ang GSCCCI nipadayag sa ilang kaandam nga makigtambayayong kang Mayor Pacquiao ug sa lokal nga kagamhanan aron mapalambo pa ang negosyo ug panginabuhian sa dakbayan ug sa tibuok Mindanao. (Rem Agdon)
(Source: CMO)