El “National Housing Authority (NHA)” hay implementa P72.7 millones valor de proyecto de casa para del mga “informal settler-families (ISF)” na Barangay Talisayan y sercanos barrio en este ciudad.
Asegun con el NHA, tiene el total de 309 beneficiarios del proyecto, pero con 55 lang de ila hay dale casa y lote mientras areglao lote lang hay dale con el restante 254 familiares.
Asegun con el NHA, el Proyecto tiene el total anchor de 33,359 metros cuadrado y intendido para ayuda solve con el problema de falta casa na ciudad.
El NHA hay construi casa de dos andanas y cada uno tiene dos posentos, escusao, baño, cocina, comedor, y sala.
Cada casa tiene el total anchor del piso de 41.55 metros cuadrado.
El dueño del lote donde hay construi con el mga casa amo el gobierno local.
El NHA amo hay mejora con el lote y construi con el mga casa para del mga ISF. (B. Garcia)
