Tres miembros del “Dawlah Islamiya-Maute Group (DI-MG) el ya muri y un soldao ya iri na un tirahan entre mga soldao y terorista na provincia del Lanao del Norte, asegun con el militar del Domingo.
Asegun con el 1st Infantry Division (ID), el tirahan ya ocuri na Barangay Lindongan, Munai, Lanao del Norte, del Sabado.
El 1ID ya habla, con el tres muerto miembros del DI-MG, amo mga siguidores de Nasser Daud quien conocido tamen como si Mas’od y Abu Jihad.
El soldao quien ya iri designao na Task Force West del 103rd Infantry Brigade.
Asegun con el 1ID, el mga soldao ta conduci patrulla de seguridad cuando ya dale sila encuentro con siete miembros del DI-MG que ya resulta na muerte del tres terorista.
El mga soldao ya recubri na posesion del tres muerto miembros del DI-MG tres rifles M-14.
Si Brigadier General Yegor Rey Barroquillo, Jr., el comandante del 103rd Infantry Brigade, ya comenda con el mga soldao por el de ila valenterias y exitoso neutralizada del mga enemigo del estado. (B. Garcia)
