33.8 C
Manila
Friday, March 29, 2024

Zamboanga: Negocianta ya aresta na Zamboanga Sibugay

- Advertisement -

Con un negocianta quien tiene pendiente orden de aresto por violasyon del ley de bouncing check ya aresta maga autoridad na provincia del Zamboanga Sibugay.

Si Tiniente Coronel Leo Laraga, el hefe del Criminal Investigation and Detection Group na Zamboanga Sibugay, ya nombra con el arestao negocianta como si Estrelita Villavito, sincuenta’y tres años el edad.

Si Laraga ya habla cay con Villavito ya aresta durante el implementacion del un order de aresto maga alas cuatro y media ayer tarde na Barangay Poblacion, Ipil, Zamboanga Sibugay.

Asegun con Laraga cay si Villavito tiene pendiente orden de aresto por el violacion del ley de bouncing check que ya dale el tribunal del Ipil, Zamboanga Sibugay, del Septiembre Veinte Uno este año con recomendao piansa de tres mil pesos.

Asegun con Laraga cay si Villavito ya dale post-dated checke con su socio na negocio y ya falya deposita dinero el lo que debe que ya resulta na plantada de un asunto na corte.

(Bong Garcia, Jr.) 

(Photo Courtesy of CIDG IX)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -