El municipalidad del Luuk na provincia del Sulu tiene ya de suyu particular planta de coriente para servi con el mga vivientes del municipio.
Este ya vene despues que el govierno municipal del Luuk y el cooperativa de electricidad del Sulu ya inagura del otro semana con el de ila planta de coriente na Barangay Tandu Batoh, Luuk.
El Vice Alcalde Al-Makram Arbison, quien ya encabesa con el inaguracion del planta, ya expresa su gratitud y orgullo por el acomplisimiento.
Na su descurso, Si Arbison ya habla cay el planta de coriente es un testametno del municipio de Luuk para promover el progreso de municipalidad.
Ahora, ta ase kame todo’l esfuerso para dale el necesidad de coriente del de aton comunidad que ta continue engranda mientras ta prioritisa el sustenibilidad del medio ambiente,” asegun con Arbison.
Mientras tanto, si Brigadier General Giovani Franza, el comandante del 1102nd Infantry Brigade, ya dale el aseguramiento con el mga residentes de Luuk cay el mga soldao ay continua guardia con mga instolacion vital na segundo distrito del Sulu.
El municipio del Luuk, uno del mga lugar bajo del segundo distrito del provincia de Sulu. (B. Garcia, photo courtesy of 1102nd Infantry Brigade)