El mga autoridad ya aresta con un mujer na operacion contra droga ilegal na provincia del Lanao del Sur, asegun con el policia del Martes.
Si Police Colonel Robert Daculan, el director del policia na Lanao del Sur, ya nombra lang con el arestao suspechao como si alias Patcha, un residente del Barangay Pilintangan, Wao.
Asegun con Daculan, con Patcha ya aresta na un operacion de compra busto mga alas 11:53 del Domingo aga na carretera nacional del Purok 6, Barangay Christian Village, Wao, Lanao del Sur.
Si Daculan ya habla, ya confisca na posesion de Patcha mas o menos dos gramos de suspechao shabu enpaquetao na dis termisallada transparente plastico sobrecitos con el valor deP13,600 y dinero de compra busto.
Si Daculan ya habla, el arestao suspechao y el confiscao evidencia ya lleva na quartel del policia na municipio del Wao para el propio disposicion.
El arestao susechao hay enfrenta el asunto por violacion del Ley Integral de Drogas Peligrosas de 2002. (B. Garcia)