El 100th Infantry Battalion (100IB) ya proporciona seguridad crucial, transportacion y apoyo de mano de obra con el Ministro de Orden Publico y Seguridad, o MPOS-Sulu, na implementacion del programa de apoyo de sostenimiento na Sulu, asegun con el militar del Lunes.
Asegun con el 100IB, con el programa de apoyo de sostenimiento ya implementa del Viernes na Barangay Tumantangis, Indanan, Sulu.
Asegun con el 100IB, el iniciativa envuelto el entrego del ayuda financial base na necesidad, junto con el distribucion de arroz y comestibles con mga residentes local.
El programa tiene el objetivo aborda con el necesidad del comunidad, particularmente despues del significante esfuerzos de rehabilitacion bajo el programa de Balik Baril, que sigui el desafios desde’l grupo de Abu Sayyaf.
El programa de Balik Baril exitosamente ya implementa na Barangay Tumantangis del Marso 2023 por medio de un programa de apoyo comunitario que ya conduci el 100IB.
Para aprovecha este impulso y garantiza el exito continuo del esfuerzos de rehabilitacion, el MPOS-Sulu, en coordinacion con el 100IB, ya inicia este programa de apoyo de sostenimiento.
Asegun con el 100IB, el iniciativa tiene el objetivo foralece paz, estabilidad y desarollo sostenible na lugar. (B. Garcia)