El 53rd Infantry Battalion (53IB) ya conduci seleccion y reclutamiento para mga aspirantes milicianos na provincia del Zamboanga del Sur, asegun con el militar del Lunes.
El seleccion y reclutamiento ya conduci del Sabado na Campo Major David Sabido, que ta servi como el casa del cuartel del 53IB na Barangay Poblacion, Guipos, Zamboanga del Sur.
Asegun con el 53IB, 96 mga aplicantes el ya participa na proceso de rigoroso seleccion para identifica mga individuales con habilidades, disciplina, y necesario compromiso para suporta con el mision del 53IB na mantention de paz, seguridad, y estabilidad na de ila comunidades.
Asegun con el 53IB, el reclutamiento amo para busca mga individuales competente y orientado en el servicio quien puede servi como mga multiplicadores del fuerza para guardia na mga lugar remotas y vulnerable, complimentando con el esfuerzos del 53IB na defensa del comunidad.
Si Teniente Coronel Rolando Vargas, Jr., el comandante del 53IB, ya enfatiza el necesario papel del programa ad miliciainos para fortelece el seguridad nacional en nivel de base.
Ya descata si Vargas el importancia de apoderamiento del mga comunidades local por medio de alistar mga dedicao individuales quien pur contribui na sostenida de paz y orden na Zamboanga del Sur. (B. Garcia)