El mga tropas del 10th Infantry Battalion (IB) ya desenterra cache de armas de fuego del rebelde New People’s Army (NPA) na provincia del Misamis Occidental, asegun con el militar del Domingo.
Asegun con Major General Gabriel Viray, III, el comandante del 1st Infantry Division (ID), con el cache de armas del NPA ya desenterra del Sabado na Barangay Sibucal, ciudad de Oroquieta, Misamis Occidental.
Asegun con Viray, el cache de armas ta contene un rifle CZ858, un rifle M-16, un rifle AK47, sinco vacio clip de Ak47 y otros pa mga materiales de guerra del enemigo.
Asegun con Viray, con el cache de armas ya encontra el mga soldao base na revelacion de alias Allan, un antes rebelde NPA y miembro del desmantelao Guerrilla Front Sendong.
Asegun con Allan, con el cache de armas ya entera na lugar si Ka Esik. (B. Garcia)