Cebu: Babaye gi gul-gol ang liog sa kapuyo

0
3
photo credits to the owner

Maayong pagka samad sa liog sa usa ka babaye human kini gi gul-gol sa iyang kapuyo.

Didto kini nahitabo sa Barangay Lawaan, dakbayan sa Talisay City, Sugbo, pasado alas 7:00 kagabii, Hunyo 8, 2024.

Ang biktima giila sa Talisay City Police Station nga mao si Merle Antona Verano, 52 anyos ang panuigon, ug ang suspetsado nga kaipon mao si Nacua Alinsug, 58 anyos ang pangidaron, pulos sila residenti sa Barangay Banawa, siyudad sa Sugbo.

Sa imbestigasyon sa Talisay City Police Station nasayran nga ang duha luwan sa motorsiklo sa dihang niulbo ang ilang panaglalis.

Sa tumang kasuko nikuha kini og hait nga hinagiban dayon laslas sa liog niini na maoy hinungdan sa pagkalandig sa tambalanan.

Nisulay unta pag ikyas ang suspetsado apan nadakpan kini sa mga tawo nga nakasaksi sa maong panghitabo ug gi hatod sa porsento sa kapulisan.

Usa sa gisubay karon sa kapulisan ang motibo nga selos na maoy nagtukmod sa pagbuhat sa krimin. (Renante Lada | Ting Joe Pepito)

Leave a Reply