El mga tropas de gobierno ya captura tres kuta y ya recubri materiales de guerra del Dawlah Islamiya-Maute Group (DI-MG) na provincia del Lanao del Sur, asegun con el militar del Lunes.
Asegun con Brigadier General Yegor Rey Barroquillo, Jr., el comandante del 103rd Infantry Brigade, con el tres kuta ya captura del Domingo na tierra interior del municipio de Balindong, Lanao del Sur.
Maskin ya puede man escapa el mga terorista, el mga soldao y mga pulis ya puede recubri un rifle M-16 con mga bala, equipo de comunicacion, y mga efectos personal cuando ya ase sila entrada con el tres kuta del DI-MG.
Si Barroquillo ya comenda con el mga tropas del gobierno por el de ila profesionalismo y dedicacion, enfatizando el disrupcion ya causa un grande mal efecto na capabilidades del DI-MG.
Asegun con Barroquillo, el recubrida del materiales de guerra es un significante efecto na operacion y mas ta reforza el esfuerzos contra terorismo na region. (B. Garcia, photo courtesy of 103rd Infantry Brigade)