Un persona el ya aresta y otro uno el ya muri mientras P3.4 millon droga ilegal el ya confisca na un campaña contra droga na provincia del Sulu, asegun con el Philippine Drug Enforcement Agency (PDEA) del Lunes.
El PDEA na Bangsamoro Autonomous Region in Muslim Mindanao (PDEA-BARMM) ya nombra con el arestao suspechao como si Alex Hussin y el quien ya muri como si Aldun Hussin, el cohorte de Alex.
Asegun con el PDEA-BARMM, con Hussin ya aresta na un “buy-bust operation” del Domingo na Barangay Poblacion, Maimbung, Sulu.
Asegun con el PDEA-BARMM, durante el aresto de Alex, ya inbisti si Aldun y ya precura rebata con el armas de fuego del un operativa.
Asegun con el PDEA-BARMM, derepente ya rebenta el armas de fuego del operativa cuando ya man rebatahan sila con el pusil y ya tupa el bala con Aldun.
Con Aldun enseguidas ya lleva na hospital pero ya declara conele muerto de doctor.
Asegun con el PDEA-BARMM, ya puede recubri durante el operacion contra droga ilegal 500 gramos de suspechao shabu con el valor de P3.4 millon, dos celpon, tarjeta de indentificacion, y markao dinero.
Asegun con el PDEA-BARMM, el “buy-bust operation” ya conduci conel suporta del policia y fuersa militar. (B. Garcia, photo courtesy of PDEA-BARMM)