El militar esperansao conduci “Tri Sulu 2024” y 91 kilometros carrera de ultramaraton na provincia de Sulu.
Asegun con el 11th Infantry Division (ID), el Tri Sulu 2024 ay conduci na Mayo 26 mientras el 91 kilometros carrera de ultramaraton na Julio 20, este año.
Asegun con el 11ID, el primaria objetivo del dos actividades amo para promove el pacifico image del Sulu para en ese manera hay contribui tamen con el campania de paz del 11ID por medio de un positivo y inclusivo evento.
Asegun con el 11ID, el evento na Mayo 26 abierto para con todo, incluido aquellos mga entusiasta del triathlon y varias organizaciones de otro lugar.
El Gobernador Abdusakur Tan ya asegura cay hay suporta le con el dos eventos y ta apela le con todo mga partes interesadas para particpa.
Ya comenda tamen si Tan con el esfuerzo y iniciativa del 11ID que ta contribui mucho na paz y desarollo del provincia de Sulu. (B. Garcia)